Mo Ghnathamh Laethúil

Dia dhaoibh Sionainn anseo, 

Ar ndóigh, ní chaithim an méid smideadh céanna gach lá ach inniu, táim chun mo ghnathamh laethúil (daily routine) a thaispeáint daoibh- seo an sórt smideadh a chaithim ag an deireadh seachtaine. 

Tar éis m'aghaidh a nígh, cuirim an maothóir seo ar m'aghaidh. Seo maothóir as "Simple". Ní chosaíonn sé ach cúpla euro agus braitheann mo chraiceann deich uair níos fearr tar éis é a úsáid gach maidin. Deireann daoine nach bhfuil smideadh go maith duit ach tar éis maothóir a úsáid roimh é a chur orm braithim beagáinín níos fearr faoi smideadh a chaitheamh ag an aois seo! 

Ansin, leanaim ar aghaidh chun bonnsmideadh a chur orm. Ní úsáidim an scuab seo ach i gcomhair an bonnsmideadh seo. Is as "Bare Minerals" an bonnsmideadh agus an scuab agus táim i ngrá leo mar is eol daoibh. Cliceáil anseo chun níos mó a léamh faoi bhonnsmideadh "Bare Minerals". Ceannaím é ón gcúntar sa siopa Brown Thomas. Cuirim é ar lán m'aghaidh ag déanamh cinnte go bhfuil go leor faoi mo shúile agus in aice le mo líne gruaige. Is fearr liom an bonnsmideadh seo ná ceann leactach (liquid) mar nach mbíonn sé comh trom ar mo chraiceann. 

Tar éis sin, déanaim mo shúile. Tosaím le prímeálach súile a chur ar mo chaipíní súile. Is as "Urban Decay" é agus tháinig sé saor in aisce le scáthú súl éigin a cheannaigh mé cúpla mí ó shin. Is nós é a chur orm ach nuair atá an ceann seo imithe, beidh mé ceart go leor gan ceann eile a cheannach. Úsáidim é mar go bhfuil sé agam. Ach fós déanann sé maitheas dom mar go bhfanann mo scáthú súl ar mo shúile don lá ar fad. 

I ndiaidh sin, bíonn sé in am bogadh ar aghaidh go dtí mo scáthú súl "Naked 2" as "Urban Decay". Seo pailléad nua a fuair mé agus anois, is dóigh liom go mbeadh mé caillte gan é. Is aoibhinn liom é. Is féidir leat níos mó a léamh faoi anseo. I ginearálta, úsáidim trí nó ceithre dath gach uair a chuirim scáthú súl ar mo shúile. B'fhéidir go bhfuil tú ag smaoineamh go bhféachann a lán dos na dathanna mar a gcéanna ach tá siad lán difriúil agus is fearr liom dathanna nocht agus neodrach cósúil le seo a chaitheamh. 

Nuair atá mo scáthú súl orm, úsáidim línitheoir súile leactach ar bharr mo shúile. Is as "Superdrug" é seo. Ní dóigh liom go raibh sé níos mó ná ocht euro. Is é an t-ainm atá air ná "Collection Extreme 24 Hour Felt Tip Liner". Is aoibhinn liom nuair atá é seo á chaitheamh agam ach bíonn gá orm mo lámh a choimeád foisteanach (steady) nuair a bhíonn mé ag cur é ar mo shúile mar má théann sé mícheart, bíonn do shúile ar fad scriosta. 

I ndiaidh línitheoir súile leactach, leanaim ar aghaidh chun prímeálach mascara a chur orm. Seo mascara nua atá agam as "Estée Lauder". Ar thaobh amháin tá prímeálach agus ar an taobh eile, tá mascara dubh. Roimh an mascara a chur orm, úsáidim an prímeálach agus cabhraíonn é seo leis an mascara a choimeád ar m'fhabhraí. 

Úsáidim an taobh leis an mascara i ndiaidh sin agus déanaim dhá chóta don mhascara roimh é a dhúnadh. Is é an t-ainm atá ag an prímeálach ná "Lash Primer Plus" agus is é an t-ainm atá ag an mascara ná "Double Wear". Ba é seo mo chéad mascara as "Estée Lauder" agus taitníonn sé go mór liom. Caithim mascara dubh an t-am ar fad. Is maith is cuimhin liom ag bheith "cúl" ag an deireadh seachtaine sa bhunscoil agus mascara gorm a chaitheamh ar m'fhabhraí cósúil le gach duine eile gan aon smideadh eile. 

Nuair atá mo mhascara déanta cuirim línitheoir súile ar bhun mo shúile. Is as "Yves Saint Laurent" é ach tá sé beagnach imithe. Beidh mé croí- bhriste i gcúpla seachtain. Úsáidim an ceann seo ar bhun mo shúile agus úsáidim an ceann leactach ar bharr mo shúile. 

Is é an rud deireanach a chuirim orm ná donnaitheoir. Is as "Bare Minerals" é seo freisin. Cheannaigh mé é cúpla mí ó shin ach tá sé fós agam mar nach úsáidim ach beagáinín don phúdar gach uair a chuirim smideadh orm. Ní chuirim é seo ar lán m'aghaidh. Tá treo speisialta chun é a chur ort. Tosaíonn tú i lár d'éadan (forehead) agus téann tú síos go dtí do chnámh leicne agus ansin síos go dtí do smig. Déanann tú é sin ar an dá taobh. Agus tar éis sin bíonn críochnaithe agam. Ní chaithim béal- dath ach úsáidim snas béil ó am go ham. Mar nach úsáidim é gach uair a chaithim smideadh ag an deireadh seachtaine, ní pháirt do mo ghnathamh laethúil é. 

Mar sin is iad na rudaí a úsáidim ná: 

1. Maothóir
2. Bonn Smideadh
3. Prímeálach súile
4. Scáthú Súl
5. Línitheoir Súile Leactach
6. Prímeálach mascara
7. Mascara
8. Línitheoir Súile
9. Donnaitheoir

Inis dom faoi do ghnathamh laethúil agus na rudaí go mbeadh tú caillte gan iad i do mhála smideadh. 

Mála Taistil- Smideadh

Dia dhaoibh Sionainn anseo, 

Is fuath liom nuair a bhíonn tú ag dul áit éigin go mbíonn gá ort níos lú a thógáil leat. 

Beidh mé i Co. Chiarraí an tseachtain seo cugainn sa Bheannach agus táim ag súil chun gach rud a thabhairt liom gan trí chás móra a bheith agam. 

Thosaigh mé inniu le mo smideadh agus ceapaim gur dhein mé jab an- mhaith ag piocadh amach rudaí mar go rabhas ábalta gach rud a chur i mála amháin beag ó Penneys. 

Bhí an mála seo ceithre euro. Tá sé cósúil le bosca mar go bhfuil cruth soladach air Cheannaigh mise an ceann uachtar agus bán le croíthe ach bhí ceann prionta liopaird ann freisin. Nuair a théim go dtí teach mo chara nó áit éigin eile, tugaim a lán rudaí liom agus ní úsáidim lán iad nuair atá mé ann. An uair seo, nílim ach ag tabhairt 12 rud liom sa mhála seo. 

Is iad seo dhá dos na rudaí Estée Lauder atá agam. Is luisneach (blusher) é ceann amháin agus scáthú súl é an ceann eile. Is breá liom an cuntar Estée Lauder mar go bhfuil lán na rudaí an- nárdútha agus an- fíneálta. 

Is breá liom an luisneach seo mar nach bhfuil sé cósúil leis an gcuid is mó de na luisnigh eile. Feicfidh tú go bhfuil taobh amháin uachtar/ buí agus ansin tá an taobh eile bán dearg. Níl luisneach ró- throm (severe) é agus mar go bhfuil leicne rósach agam is fearr liom ceann geal. Is é "Silky Powder Blush 21 PEACH NUANCE"  an t-ainm atá ar an luisneach seo. Ansin, níl mo scáthú súl "Naked"  beag go leor chun dul sa mhála seo agus mar sin, táim chun scáthú súl Estée Lauder a thabhairt liom in ionad. Tá an ceann seo an- nárdútha ar fad mar nach bhfuil aon ghealra sa scáthú súl. Is "pod" é agus ciallaíonn sé sin go bhfuil dhá dhath ins an coimeádán. Bheadh siad beagáinín ró- phléineáilte chun an scáthú súl seo a chaitheamh ag dul amach san oíche i gcomparáid don cheann "Naked" atá agam mar go bhfuil an- chuid dathanna sa cheann sin ach tá an ceann seo fiorfe i gcomhair am lae. Nuair a bhíothas i Brown Thomas, bhí cúpla cinn éagsúla le dathanna eile ach phioc mé an ceann seo sa deireadh. Fiú amháin go raibh dathanna eile le fáil, ba dathanna nárdútha agus nocht iad freisin. Ach taitníonn sé sin liom mar nach maith liom ag caitheamh dathanna trom ar mo shúile. Ní cheapaim go n-oireann siad liom. Is é an ceann seo ná "Pure Colour 01 Vanilla Pods". Ceapaim go dtéann na dathanna an- mhaith lena gcéile. Comh maith le sin, is aoibhinn liom an scuab a thagann in éineacht leis an scáthú súl. Mar go raibh sé ró- bheag níor cheap mé go mbeadh ceann ró- mhaith é ach is breá liom é mar go bhfuil ceann difriúil ag gach taobh.

Ansin beidh mo smideadh Bare Minerals ag teacht liom ar ndóigh. Tá mo bhonnsmideadh, mo dhonnaitheoir,   mo mhascara agus mo scuaba ón gcúntar- sé rud san iomlán. 

Is é an dath bonnsmideadh a cheannaím ná "Light". Is féidir leat coimeádán le 8g a cheannach i gcomhair 24euro. Ceapaim go mbíonn coimeádán amháin agam i gcomhair timpeall ar dhá mhí agus tá an donnaitheoir céanna agam ó Mhí an Márta mar nach úsáideann tú ach píosa bídeach (tiny) ar d'éadán (forehead) agus ar do chnámha leicne. Is é an dath donnaitheoir atá agam ná "Warmth" agus fuair mé 1.5g sa choimeádan seo. 

Is é an t-ainm atá ar an mascara ná "Bare Minerals Flawless Definition Mascara". Féachann an buidéal beagáinín pléineáilte agus leadránach ach ceapaim go bhfuil an rud sa bhuidéal an rud is tabhachtaí mar go bhfuil sé go hiontach. Tá an scuab tanaí agus mar sin, ní bhíonn mascara ag dul gach áit ar do chaipíní súile (eyelids). Ní fhágann sé aon toim (clumps) agus tar éis é a úsáid bíonn m'fhabhraí (eyelashes) scartha. Tagann sé as do shúile gan aon deacracht san oíche agus ní ghreannaíonn (irritate) sé mo shúile. 

 Ansin tá trí scuab agam, ceann amháin i gcomhair mo bhonnsmideadh, ceann eile i gcomhair mo dhonnaitheoir agus is é an ceann deireanach ná scuab chun beagáinín bonnsmideadh a chur faoi do shúile mar fholaitheoir (concealer). 

Is iad seo na rudaí randamach deireanach- Ó bhun go barr- Sudocream :L, mascara "Urban Decay Big Fatty Mascara", snas béil "Happy No 7 High Shine", línitheoir súile "Yves San Laurent" agus snas béil "Lancome Juicy Tubes". Tá an Sudocream seo an- ghleoite mar go bhfuil sé iontach beag agus is féidir Sudocream a bheith an- úsáideach in éigeandálaí! Is maith liom an mascara seo freisin mar go dtugann sé a lán toirt (volume) do m'fhabhraí. Mar sin, cuirim cóta amháin don cheann seo agus cóta eile don cheann Bare Minerals orm gach lá. Ní chaithim snas béil an t-am ar fad ach is ceann deas é an ceann "No. 7" seo agus táim chun é a thabhairt liom ar eagla na heagla. Tá mo línitheoir súile dubh is fearr "Yves San Laurent" ró bheag anois. Bhíothas croí bhriste tar éis é a fhágáil ar an úrlar mar gur aimsigh mé é briste an lá i ndiaidh sin. Oibríonn sé fós ar ndóigh. Is snal béile álainn é an ceann "Lancome" freisin. Cheannaigh m'aintín an seit le cúig cinn eile dom ach is é an ceann seo an ceann is fearr liom ón seit. 

Sin é gach rud a bheidh ag teacht liom ar an Satharn. Táim ag smaoineamh faoi mo scáthú súl "Naked" a thabhairt liom i mála éigin eile mar go dtaitníonn sé go mór liom ach feicfimid. 

Cad iad na rudaí is tabhachtaí leatsa i do mhála smideadh?