Thursday, January 2, 2014

Spriocanna agus Dea-Rúin na hAthbhliana

Dia daoibh Sionainn anseo, 

Níl mórán ama fágtha go 2014- cúpla uair anois, is dóigh. Níl aon phlean ollmhór agam ach féachaint ar na tinte ealaíne agus "shindig" beag a bheith againn le cairde agus teaghlach sa bhaile. Is é amháin dos na rudaí is mó faoi Oíche Cinn na Blianta a cheiliúradh ná go mbíonn dea-rúin ag nach mór gach duine. Bíonn daoine ag tnúth le tús úr nua, droch-nósanna a fhágáil ina ndiaidh agus nósanna eile a thosú. Is é amháin dos na tagairtí is fearr liom a léígh mé idir Facebook, Twitter agus Instagram le déanaí ná gur é amárach an chéad leathanach bán de leabhar 365l. Scríobh ceann maith. (Scríobh mé an píosa seo dhá lá ó shin!) Sa deireadh thiar thall, bhí "shindig" againn sa bhaile- craic, ceol agus ól, agus bhaineamar go léir an-taitneamh as!

I ndáiríre, ní rud ollmhór é ceiliúradh na hAthbhliana domsa. Sílim go mbeidh sé níos tábhachtaí agus níos speisialta dom nuair a bheidh mé níos sine. Ach ag an am céanna, bhíos sásta glacadh leis an seans cúpla sprioc nó dea-rún a leagan amach dom féin. Is dóigh go bhfuil spriocanna nó dea-rúin ag gach duine- iad go léir difriúil agus oiriúnach leo féin, ach seo trí chéim chabhrach duit má tá tú ag iarraidh go leanfaidh tú le do spriocanna.
  1. Bíodh iad réalaíoch- tá sé tábhachtach rudaí inbhainte amach, praiticiúil agus réalaíoch a roghnú duit féin má theastaíonn sé uait leanúint le do spriocanna. Má deir tú mar shampla, go gcruthóidh tú roicéad chun tú féin a thabhairt chuig an ngealach, níl sé dóchasach go dtarlóidh sé...bhuel, ní tharlódh sé domsa ar aon nós! Ar an lámh eile, glac le dea-rúin a bheidh tú in ann iad a choimeád mar shampla, caithfidh mé trí uair a chloig ar m'obair bhaile gach oíche.
  2. Bíodh iad intomhaiste (measurable)- Chomh fada is atá sé tábhachtach spriocanna réalaíocha a bheith agat, is gá iad a bheith intomhaiste chun go mbeidh tú in ann súil a choimeád orthu. Mar shampla, má deir tú go gcaithfidh tú níos lú ama ag féachaint ar an teilifís agus níos mó ama ag imirt spóirt, ní bheidh tú in ann é a thomhaiseadh (measure). Ar an lámh eile, má leagann tú sprioc réalaíoch iontomhaiste amach duit cósúil le "rachaidh mé go dtí an gym nó ar shiúlóid/ rith trí uaire nó níos mó in aghaidh na seachtaine" beidh tú in ann é a thomhaiseadh agus beidh an aidhm sin i d'intinn seachtain i ndiaidh seachtaine. Is é seo amháin dos na spriocanna atá agam. Más raibh "seacht n-uaire" ráite agam, ní bheadh sé réalaíoch dom cé nach bhfuilim chun dul ó a bheith i mo "couch potato" go a bheith i  mo lúthchleasaí! Má dhéanann tú mar sin é, beidh tú in ann measúnú a dhéanamh ort féin gan aon deacrachtaí. Ar ndóigh, ní féidir le gach dea-rún a bheith intomhaiste ach déan iarracht!
  3. Bíodh iad dúshlánach- Is seans iad na dea-rúin seo feabhas a chur ar do chuid nósanna- le rudaí gur ceart duit a athrú a athrú. Ní bhainfidh tú aon rud amach muna leagan tú dúshláin amach os do chómhair. Is cuma cé chomh hóg nó sean is atá tú, is féidir leat feabhas a chur ar an gcaoi ina bhfuil rudaí faoi láthair.
Tá súil agam gur bhain gach duine iontach taitneamh as an Nollaig agus oíche aréir! Is deacair agus is brónach an rud é a chreidiúnt go bhfuil na laethanta saoire beagnach thart. Is iad na dea-rúin go dteastaíonn uaim baint amach ná dul go dtí an gym nó ar shiúlóid/rith trí uaire nó níos mó in aghaidh na seachtaine (má dhéanaim é seo, tiocfaidh feabhas ar mo chuid itheacháin freisin agus cuirfidh mé stop le rudaí a chur ar an méar fada i ginearálta).
(Leabhar agus bróga reatha nua chun cabhrú liom- labhróidh mé faoin stuff a fuair mé don Nollaig i bpost eile!) 

Céard iad na spriocanna a bheartaigh tú a bhaint i 2014? 
Athbhliain faoi mhaise daoibh go léir agus aoibhneas na gCeithre Ráithe oraibh! 
(Spéaclaí: €1, Penneys) 

Sionainn, x 



Saturday, December 21, 2013

DFÉ: Fleasc Nollag

Dia daoibh Sionainn anseo, 

Nollaig Shona daoibh go léir- níl ach ceithre oíche fágtha! Ní minic a fhaighim an seans póstáil ar mo bhlag na laethanta seo agus is fuath liom nach féidir le PLHF a bheith díreach cósúil leis a bhi sa triú bliain ach sin é an cúigiú bliain duit- scrúdaithe, strus agus easpa saol sóisialta! Ar an lámh eile, tá laethanta saoire na Nollag tagtha- tá coicís agam mo scíth a ligean, mo nithe go léir a eagrú don scoil, leabhar nó dhó a léamh, taitneamh a bhaint as na laethanta saoire le mo theaghlach agus mo chairde agus ar ndóigh, snas a chur ar mo chuid Gaeilge agus mo thuairmí faisin trí phóstáil ar mo bhlag! 

Seachtain nó dhó ó shin nuair a d'aimsigh mé uair sparálta i rith na deireadh seachtaine, bheartaigh mé tús a chur le maisiúcháin Nollag a chruthú mé féin agus sé é an chéad rud a chruthaigh mé agus caithfidh mé a adhmháil go dtaitníonn sé go mór mór liom cé go bhfuil baint ag an maisiúchán seo leis an nGaeilge agus leis an timpeallacht freisin, ar ndóigh. Chruthaigh mé fleasc Nollag ag úsáid rudaí atá neamhdhíobhálach don chomhshaol (environmentally friendly). 

Is éard a bhí ag teastáil ná leabhar éigin (roghnaigh mé fóclóir Béarla-Gaeilge), bosca cairtchláir (bosca gránaigh bhricfeasta éigin), peann luaidh, siosúr, stáplóir agus téip ghreamaitheach dhéthaobhach (double-sided sticky tape), gliú PVA, pot pourri.

Caitear ciorcal a ghearradh amach ón mbosca. Ansin caitear billeoga a tharraingt ón leabhar agus iad a chasadh agus a stápáil chun cóin a chruthú. Ag fágáil spáis idir na cóin, caitear iad a téipeáil ar an gciorcal. Caitear cúpla ciorcal eile a chruthú ag bogadh isteach go lár an chiorcail.


D'aimsigh mé cúpla caor phéine agus pot pourri sa bhaile agus d'úsáid mé gliú PVA chun iad a ghreamú air agus seo mar a bhí m'fhleasc Nollag nuair a bhíos críochnaithe leis! 


Ar chruthaigh tú aon do do mhaisiúcháin tú féín i mbliana? B'fhéidir go bhfoghlaimeoidh mé focal nó dhó nua as féachaint ar m'fhleasc! 

Sionainn, x.







Thursday, October 31, 2013

Oíche Shamhna: Pop-Ealaín

Dia daoibh Sionainn anseo, 

Is léir go bhfuil a lán smaointí ann ó thaobh gléasadh suas d'Oíche Shamhna de. Comh maith leis na smaointí atá sórt scanrúil nó d'Oíche Shamhna amháin, tá smaointí eile nach bhfuil comh scanrúil. 
Nuair a bhíothas i rang a sé, d'fhoghlaíomar faoin ealaíontóir Andy Warhole agus chaitheamar am ag foghlaim faoi phop-ealaín. Ar maidin, bheartaigh mé go mbainfinn triail as sórt "pop-ealaín" a dhéanamh ar m'aghaidh. Tá roinnt íomhánna agus físeáin ar an idirlíon agus le cúpla smaoineamh i m'intinn, seo conas mar a chríochnaigh sé! 
Thosaigh an stíl ealaíne seo sna caogaidí i Sasana agus Meiriceá. Bhí ionadh orm nach raibh clú ag mo mham faoi phop-ealaín nuair a tháinig sí abhaile agus nuair a d'inis mé di faoi. B'fhéidir nach bhfuil mórán aithne ag daoine faoi ach tar éis foghlaim faoi ar scoil, thaithin sé liom!

Seo hiad na céimeann a thóg mé chun m'aghaidh a dhéanamh mar seo:
  • Bonnsmideadh- Urban Decay
  • Aibhsitheoir faoi mo shúile- Urban Decay "Naked"
  • Púdar- Urban Decay
  • Luisneach- MAC
  • Scáthú súl- Ceann gorm (Bed Head), ceann glas (Urban Decay "Alice in Wonderland")
  • Línitheoir súile bán- Superdrug (D'úsáid mé é seo ar mo shúile agus chun na spotaí ar m'aghaidh a chruthú.)
  • Línitheoir súile dubh- Benefit
  • Béaldath- Kiko
  • Mascara- Estée Lauder

Ar ndóigh, ní bheadh sé mar a gcéanna muna mbeadh vearnais inge ann chun dul in éineacht leis. 

An raibh a fhios agat cén ciall a bhí ag "pop-ealaín" ríomh?

Sionainn, x.




Oíche Shamhna: Cailleacha

 Dia daoibh Sionainn anseo, 

Is é an smaoineamh atá ag mo neacht (Molly, 3) ná go gcaitear cóisir a bheith ann chun gléasadh suas. Mar sin, bheartaigh mo dheirfiúr go mbeadh cóisir bheag againn sa teach di féin agus a cairde. 


Bhí mé féin agus mo chara Alannah ag staidéar sa sráidbhaile inné agus nuair a thángamar abhaile le uair go leith go dtí tús na cóisire, bhí gá orainn rith thuas staighre agus feisteas éigin a dhéanamh suas. Ní raibh mórán ama nó mórán rogha againn ach sa deireadh, bheartaíomar dul mar chailleacha ionas go mbeimis in ann ár gcuid smididh a dhéanamh go deas. 
D'úsáideamar an scáthú súl Urban Decay- an pailéad "Alice in Wonderland" agus tá béaldath Estée Lauder á chaitheamh againn comh maith lenár gnáth smideadh. Tá dath corcra ón bpailéad "Alice in Wonderland" á chaitheamh agam ar mo leicne agus sin é!
Ar ndóigh ní raibh feistis iomlána againn ach bhíomar sásta leo don chóisir. Uaireanta tarlaíonn sé go dtagann rud éigin suas agus ní bhíonn mórán ama agat smaoineamh faoi- tharla sé sin dúinn ach smaoiníomar go tapa agus le smideadh beagáinín níos láidre ná a bhíonn á chaitheamh againn i ginearálta, d'fhéach sé cósúil leis go raibh iarracht an-mhaith déanta againn. 

Sionainn, x. 





Oíche Shamhna: Bríoscaí

Dia daoibh Sionainn anseo, 

Bhí gearrthóirthí briosca sa chófra againn nár úsáideamar an bhliain seo caite agus bhíothas cinnte nach rabhas chun iad a fhágáil istigh ann Oíche Shamhna eile. 
Bhí mo phitseamaí orm agus bhí sé níos luaithe ná a hocht a chlog ar maidin- mar sin, ní raibh fonn orm dul aon áit chun aon rud a cheannach. 
D'aimsigh mé oideas (recipe) briosca a bhí comh simplí ní raibh gá orm an teach a fhágáil! Ní raibh ag teastáil ach im, súcra, ubh amháin, plúr bán agus úscra fanaile (vanilla essence). Téigh go dtí an suíomh seo, suíomh BBC chun é a fheiceáil.

Ní raibh clú agam cad ba chóir dom a dhéanamh chun iad a mhaisiú. Bhí seacláid sa chófra comh maith le cúpla maisiúcháin bheaga eile agus rinne mé roinnt dearaí orthu. 

Is é conas a scríobh mé orthu leis an seacláid ná trí mála beag a chruthú le rianpháipéar (greaseproof paper). Seo íomhá a thaispeánann conas an "mála" a chruthú. Tar éis céim a sé, caitear an seacláid a chur isteach agus ansin poll an-bheag a dhearradh le siosúr ag bun an mhála. 

Bhuel, sin iad mo bhrioscaí! Ba bhreá liom é dá mbeinn in ann fanacht sa bhaile gan aon rud a dhéanamh lá i ndiaidh lae agus borróga, brioscaí agus rudaí mar sin de a chruthú agus a fheabhsú. 

An raibh/bhfuil tusa ag bácáil i mbliana d'Oíche Shamhna? 

Sionainn, x. 



Sunday, October 20, 2013

Geansaithe na Nollag

Dia daoibh Sionainn anseo, 

Fad is a bhí mé amuigh ag siopadóireacht i rith na deireadh seachtaine, chonaic mé go raibh geansaithe na Nollag ar dhíol. An bhliain seo caite, níor cheannaigh mé ceann nuair a tháinig siad amach ar sheilfeanna na siopaí- níor bheartaigh mé go raibh geansaí uaim go dtí nach raibh ach cúpla lá fágtha go dtí lá na Nollag. Bhíodar go léir imithe seachas le cúpla cinn ins na siopaí nach bhfuil comh saor ná Penneys, Dunnes isrl. Ní rabhas chun €35 a chaitheamh ar gheansaí muinéal cruinn a chaithfinn uair amháin nó dhó! Le 65 lá fágtha go dtí lá na Nollag, bhíothas cinnte go bhféadfainn ceann a aimsiú!

D'aimsigh mé rud a thaithin go mór liom i Penneys. Ní thaitníonn geansaithe muinéal cruinn go mór liom i ginearálta, mar sin, nuair a chonaic mé cairdeagan gur féidir liom a cheannach in ionad geansaí, bhíothas sona sásta! Smaoinigh mé go gcaithfinn cairdeagan níos mó ná a chaithfinn geansaí agus go bhféadfainn an cairdeagan a chur le níos mó. Is é €16 an praghas a bhí ar- margadh an-mhaith i mo thuairim. 

Is iad dearg, dúghorm agus uachtar na dathanna atá ar agus tá réimse patrúin ar- réinfhianna, croíthe agus straidhpeanna. Cheap mé go mbraithfeadh an olann beagáinín míchompórdach ach ní raibh an ceart agam- braitheann sé an-chompórdach ar mo chuid craicne. 

Má tá geansaí nó cairdeagan uait, ná fág é go dtí go mbeidh siad imithe nó go dtí nach mbeidh tú in ann ceann ar phraghas réasúnta nó ceann a thaitníonn leat a fháil.
An mbeidh geansaí nó cairdeagan á cheannach agat i mbliana? 

Sionainn, x. 


Monday, October 14, 2013

Cill Dara

Dia daoibh Sionainn anseo, 

Mar a scríobh mé inné, bhíothas i gCill Dara ag glacadh páirt sa chomórtas "Blog Awards Ireland". 
Ar ndóigh, ní rabhas in ann teacht abhaile gan dul ag siopadóireacht. Ní raibh mórán ama agam- d'fhanfainn ann ar feadh seachtaine dá mbeadh an seans agam ach sin é an saol. 

Thugamar cuairt don ionad siopadóireachta "Whitewater Shopping Centre" agus cheannaigh mé cúpla rud ins an Debenhams a bhí ann. Is cósúil gur siopaí difriúile ar fad iad an Debenhams anseo i Luimneach agus an ceann i gCill Dara. Bhí praghasanna laghdaithe ag an seodra go léir a bhí ag an seasamh seo agus is iad seo na píosaí a roghnaigh mé- níor chostaigh aon d'iad níos mó ná ceithre euro. 

Bhí réimsí Pussycat agus Warehouse ins an Debenhams freisin. Fuair mé an gúna seo ó Pussycat. Is é €18 an praghas laghdaithe a bhí ar agus is as Warehouse iad na jíons seo- €23 a bhí orthu. Ba mhargadh iontach iad seo mar go mbíonn na héadaí i Warehouse costasach i ginearálta. 

 Chuas go dtí Bershka chun margadh eile a aimsiú- na jíons seo. Níor chaith mé prionta nathrach ríomh ach ar €7.99, ní rabhas ábalta iad a fhágáil i mo dhiaidh. Tá súil agam go mbeidh mé in ann barr éigin a aimsiú chun dul in éineacht leo. 

 Is iad na rudaí deireannacha a cheannaigh mé ná na "bits and bobs" seo chun dul i mo sheomra codlata. Beidh post á dhéanamh agam go luath faoi mo sheomra codlata- tá sórt athchoiriú déanta agam ar. An rud ar bharr agus ar dheis, chostaigh sé €8, bhí na cupáin €4 don dhá cheann agus d'íoc mé €4 euro as an ngainneamh. Feicfidh sibh cén úsáid atá agam dóibh i bpost éigin eile go luath! Ba siopa álainn é seo- d'fhéadfainn an lá a chaitheamh istigh anseo ag piocadh amach rudaí do mo theach, do mo sheomra agus do dhaoine eile. Is é an rud dearfach áfach, ná go bhfuil leathannach Facebook acu. Is féidir rudaí a ordú agus ní chosaíonn an seachadadh ach rud éigin cósúil le cúig euro! Cliceáil anseo chun an leathannach sin a oscailt. 

Bhuel ba é sin mo dheireadh seachtaine! Taispeántar an tuirse a bhí orm mar gur thit mé i mo chodladh ar feadh uair a chloig i rith staidéír inniu! Ní dhéanfaidh mé dearmad go deo ar an gcomórtas seo- ba éacht iontach é- rud a bhí mé an-sásta a bhaint amach agus bhí sé iontach bualadh agus teangmháil a dhéanamh le daoine eile. 


Oíche mhaith, 
Sionainn, x. 

Sunday, October 13, 2013

Blog Awards Ireland

Dia daoibh Sionainn anseo, 

B'fhéidir go raibh sé ar eolas ag cúpla duine go rabhas mar "finalist" sa chomórtas naisiúnta blagadóireachta "Blog Awards Ireland" sa roinn don bhlag Gaeilge is fearr. Bhí an searmanas bronnta ar siúl oíche aréir san "Osprey's Hotel" i Naas, Cill Dara. 

Is comórtas blagadóireachta é seo gur féidir éinne in Éireann iontráil a chur isteach- óg nó sean, bunaithe ar fhaisean nó feirmeoireacht, peataí nó polaitíocht, cócaireacht nó ceirdíocht- aon rud! D'oscail na dorais ag 6.30 agus cuireadh tús leis an ócáid ag 7.30. Bhí beagáinín néirbhís orm ag dul go dtí seo mar nach raibh sé i gcomhair daltaí amháin ach daoine fásta freisin agus bhíothas ag súil go mbeadh daoine óga eile ann freisin. Bhí an t-ádh orm bualadh le Rachel ó Oh Hey There Rachel, Megan ó Blondes Love Cupcakes agus Rebecca ó Bec Boop Fashionista World a bhí ann chun tacaíocht a thabhairt dá fear geallta. Comh maith leis na cailíní sin, bhí fear álainn Paul ó It Only Encourages Them ag suí lenár mbórd freisin. Réitigh gach duine dos an deichniúr againn go hiontach lena gcéille agus ní raibh aon dabht ann ná gur thugamar na screadacha is airde nuair a bhí ainmneacha ár mblagann á ghlaoch amach ag an láithreoir. Ba deas an rud é freisin go raibh suim ag gach duine ann i dteicneolaíocht- mar sin ní raibh aon "awkie momos" ann chun Twitter nó Facebook a seiceáil agus bhí seans ag gach duine gach duine eile a leanúint ar Twitter isrl. 


Ní raibh an t-ádh ag éinne ag ár mbórd duais iomlána a bhuachaint ach bhí áthas an domhain orainn go léir áit a fháil sa chomórtas mar "finalists" agus gan dabht bhí an duais do mo chatagóir tuillte ag Aran Songs. Bhí an dinnéir go hálainn comh maith leis an siamsaíocht ghreannmhar a sholáir an láithreoir dúinn, gan trácht ar na toirtíní (goody bags) den scoth a fuaireamar! 


Tá níos mó íomhánna comh maith le níos mó eolais ar an ócáid agam ach nílim ach tar éis filleadh ar ais mar gur fhan mé i gCill Dara inniu ag déanamh..... siopadóireachta! Labhróidh mé faoi le níos mó sonraithe amárach- m'fheisteas, mo chuid smididh agus na rudaí a cheannaigh mé i gCill Dara. 


Bhí sé iontach an deis dochreidte seo a fháil agus bhí áthas an domhain bualadh le daoine nua comh maith le cúpla sean daoine. Thug an ócáid seo inspioráid dom leanúint ar aghaidh an blagáil fiú nach mbíonn mórán ama agam chun é a dhéanamh ach leis na moltaí agus spreagadh a bhí ag dul timpeall oíche aréir, is cinnte go mbeidh an t-am sin á aimsiú agam! 

Oíche mhaith, 
Sionainn, x. 







Monday, September 30, 2013

Níl Aon Rud Níos Fearr Ná Turas Go Dtí BTs

Dia daoibh Sionainn anseo, 

Wow- mí amháin déanta sa chúigiú bhliain, tá sé dochreidte. Níor tharla morán ó thús na míosa go dtí seo. D'fhan cailín álainn ón Astráil liom ar feadh cúpla lá mar go raibh siad ag taisteal timpeall na hEoraipe ar thuras scoile, d'athraigh mo sheomra codlata ó sheomra le cairpéad bán dearg agus péint chorcra go seomra le húrlár adhmaid agus péint bhán dearg agus tá mo shaol i ginearálta imithe ar ais go conas mar a bhí sé roimh an samhradh- scoil, staidéar, gníomhaíochtaí seach-churaclaim agus rudaí eile idir iad sin. 

Tá mo mhála smididh níos fearr ná riamh le déanaí tar éis cúrsa smididh a dhéanamh i rith an tsamhraidh ach is beag nár thosaigh mé ag caoineadh nuair a chonaic mé go raibh cúpla rud ag folmhú. So.. Dé hAoine, chuas isteach go Debenhams chun mo bhonnsmideadh a ionadú- "Naked Skin Weightless Ultra Definition Liquid Make-Up". Ar triocha ceathar euro, ní mhargadh é ar aon nós ach is breá liom é, oireann sé dom agus bhí an buidéal eile agam ó mhí an Mheithimh go dtí anois. Cíbe bonnsmideadh atá a lán níos saibhre a bhainim triail as, ní oibríonn sé dom sa tslí céanna ná bonnsmideadh Urban Decay nó Bare Minerals. 

Ba é an rud aonaire a bhí fágtha le ceannach agam chun mo mhála smididh a dhéanamh níos fearr ná línitheoir súl leachtach- rud nach raibh agam ó aon bhranda maith ríomh- d'fhan mé le cinn ó Superdrug agus Penneys már nár cheap mé gur dhein sé difríocht ach bhí sé go deas an ceann seo ón gcúntar Benefit a phiocadh amach i Brown Thomas tar éis feighlí leanaí a dhéanamh do mo dheirfiúr. "Magic Ink Jet-Black Liquid Eyeliner" ar fiche haon euro. Is cinnte go ndéantar an-difríocht do mo chuid smididh nuair a chaithim línitheoir súl leachtach. 

Cad a dhéanann an difríocht is mó do do chuid smididh i do thuairimse? 

Sion, x.

Wednesday, September 4, 2013

Céardaíocht na Seachtaine

Dia daoibh Sionainn anseo, 

Tá sé deacair a bheith ar ais ar scoil go háirithe go bhfuilim sa chúigiú bhliain ach ag tús na seachtaine, d'aimsigh mé ceardaíocht shuimiúil agus bheartaigh mé triail a bhaint as. Úsáidtear cartáin chun na sparráin nó coimeádáin beaga seo a dhéanamh. 
Chun ceann a chruthú, is gá an teimpléad a bheith agat. 
Is é an chéad céim ná chun an teimpléad a phriontáil amach, é a ghearradh amach agus é a ghreamú le chéile ag úsáid téipe. Ansin, caithfidh tú do chartán a ghearradh ionas go mbeidh sé cothrom cósúil le leathanach. Roimh do theimpléad a tharraingt ar an gcartáin, caithfidh an ciorcal liath a bheith "i líne" le oscailt an chartáin. Nuair atá sé sin déanta agat, tarraing an teimpléad ar an gcartáin agus gearr amach é. Ansin, cuir fillteacha (folds) ar an gcartáin sna háiteanna ina bhfuil línte poncanna (dotted lines) ar an teimpléad. Seo an rud críochnaithe! 


Is féidir iad seo a úsáid chun aon rud a stóráil- ó airgead go "gogos" go haon rud eile- aon rud gur mhaith leat! 

An mbeidh tú ag baint triall as an gcéardaíocht seo? 

Sionainn, x.